إمام عاشور: بروح لطبيب نفسي من فترة.. وعندي عيب واحد

قال إمام عاشور، لاعب الأهلي، إن من أكثر العيوب التي يراها في نفسه هو أنه متهور ومن الشخصيات التي تقوم بفعل أول قرار يأتي في تفكيرها، لكنه مع الوقت بدأ ويحاول علاج هذا الأمر، ويتعلم التأني وأن يُصبح أهدى بشكل أكبر من ذلك.

وخلال برنامج "ع المسرح" مع الإعلامية منى عبدالوهاب، تابع "عاشور": «من زمان بروح لدكتور نفسي دايمًا، وهو بيساعدني كتير في حياتي، وساعدني كتير الفترة اللي فاتت دي وعلمني اكون ماسك أعصابي أكتر، خاصة في الملعب، وأنا اللي قررت أروح له من نفسي لأني بحب المغامرات».

وأضاف عاشور: «أول عيب في نفسي صارحته بيه هو اني عصبي وبالجلسات اتعلمت منه ازاي اخفف العصبية، ومنظومة النادي الأهلي علمتني أصلح حاجات في نفسي علشان أكون أفضل».

وواصل: «عمري ما قلقت من جمهور الكرة المصري، رغم أنه جمهور صعب، لكني واثق في نفسي وواثق في إمكانياتي، ولما بنزل الملعب بكون مركز في شغلي بس، ومبحبش أركز في أي ضغوطات تانية».

وقال عاشور إن كانت حياته مسرحية سيكون أجمل فصل فيها هو انتقاله للنادي الأهلي، وأصعب الفصول هو فترة الاحتراف الستة أشهر التي قضاها خارج مصر وعاد من بعدها مصاب، مؤكدًا: «الدنيا مكانتش ماشية معايا هناك كويس ومكنتش عارف اتأقلم» ويعتبر الفترة التي قضاها في نادي حرس الحدود هي أهم فصل في حياته.