أجاب الدكتور علي جمعة، مفتي الديار المصرية السابق، على سؤال طفل حول: "ليه ربنا مخلاش سيدنا محمد عايش لحد دلوقتى؟".
وخلال حلقة برنامج "نور الدين"، المذاع اليوم الأحد، قال "جمعة": "دي كانت هتبقى ورطة كبيرة، وكل لما هو عايش عليه الصلاة والسلام، كل ما الوحي نازل والدين يتسع، والأوامر بتكتر".
وتابع: "ده تخيل منك يا جدع أنت ده حاجة غريبة جدًا، سيدنا النبي قال لنا: (حياتي خير لكم ومماتي خير لكم تعرض علي أعمالكم فإن وجدت خيرًا حمدت الله، وإن وجدت غيره استغفر لكم)".
وأضاف: "سيدنا النبي محمد صلى الله عليه وسلم، أعطانا أوامر صلاة وصوم وغيره، لو كان عايش كان زمانهم 600 تكليف، وربنا خلاه مش موجود دلوقتى رحمة بنا، صحيح إحنا اتحرمنا من إننا نشوفه، أو نتبرك به".
تابعوا آخر أهل مصر على Google News
