أحمد العوضي: جبرت بخاطر صاحب واقعة الكشري.. وعمري ما رديت على حد هاجمني

قال الفنان أحمد العوضب: "كل مسابقة بقدمها على صفحتى ربنا بيعوضنى كتير بيها، منها الدعوة من حد غلبان متستهونش بيها وهى أبرك من 1000 واحد يهاجمنى، لافتا إلى أنه لم يرد على من اتهموه فى موضوع التعاطف مع صاحب واقعة "الكشرى" وعمرى ما رديت على حد هاجمنى".

وخلال حواره ببرنامج "ع المسرح"، مع الإعلامية منى عبد الوهاب، على قناة الحياة، أكد أن صاحب واقعة الكشرى كانت مشكلته على الملأ فجبرت بخاطره، وانا عمرى ما أندم على خير عملته، ولا قولت اتقى شر من أحسنت إليه واللى يقول عليا حاجة يقولها واحترامه على راسى".

وتابع: "عمري ما رحت لدكتور نفسي، وبحل مشاكلى بنفسى والحمد لله، مشيرا إلى انه كان ملاكم واشتغل مع الفنان نور الشريف وكان مثله الأعلى وذهب عنده عشان يشوفه بس، فأخذه، وانا اتخرجت من مدرسته، وبطبعى مش رومانسى، وبكره الرومانسية اللى فيها تلزيق، وبحب الرومانسية تكون برجولة، والراجل لازم يكون راجل فى كل حاجة".