هنأت مقدمة البرامج ياسمين عز نادي الزمالك بفوزه على نادي الأهلي بهدفين مقابل هدف في القمة 127، قائلة: "بمناسبة فوز الزمالك.. أخواتي في الله لا شيء يصعب على الله حتى الزمالك ربنا جبر بخاطرهم فما تيأسش من رحمة ربنا وما تفقديش الأمل في الواد اللي نفسك تخلفيه من 21 سنة لأن اللي جبر بخاطر الزمالك قادر يجبر بخاطرك".
وخلال أولى حلقات الموسم الجديد من برنامجها "كلام الناس" الذي يعرض عبر شاشة "MBC مصر" كشفت "عز" تفاصيل برنامجها هذا الموسم قائلة: "في الموسم ده مش هنتكلم عن الستات ولا الرجالة.. ولكن هنتكلم عن الحوامل، أنا إزاي أهملت وتغافلت عن الحوامل السنين اللي فاتت دي الحامل عبارة عن كتلة هرمونات ماشية على الأرض ومسكينة وغلبانة ومكتومة كتمة الكحك".
واختتمت "عز": "الموسم ده غير كل المواسم لأني هبهرك، وأنا عمري ما نسيتك ولو طلعت إعارة هفضل فاكراكي، وكنت بعمل لك رسالة ماجستير والموسم ده مش هقعد على الكنبة أقول في دراسة قالها كذا، ولكن أنا هعملك دراسة بإيدي في البيت وهناقشك فيها في البرنامج".
تابعوا آخر أهل مصر على Google News
