عمرو أديب: فيه عصابات داخل شركة أوبر.. والناس مرعوبة

علق الإعلامي عمرو أديب، على واقعة سيدة التجمع التي حاول سائق أوبر التعدي عليها، منفعلا: "هوا "أوبر" إبن مين في مصر، هوا مين اللي بيراقب عليها، فيه عصابات داخل الشركة، البنت الأولانية ماتت ومحصلش حاجة، والنهاردة سيدة التجمع نجت بأعجوبة".

وأضاف أديب، خلال برنامج "الحكاية" المذاع عبر فضائية "إم بي سي مصر"، "الناس مرعوبة لا كشف على السائق ولا تأمين على الراكب، أوبر مفيش حد بيحاسبهم، أموت وأعرف الجهة المسؤولة عن الشركة".

وتابع الإعلامي عمرو أديب: "أوبر مش بتجيب ناس كويسة، ومش بيكشفوا عليهم.. الكلام ده لما بيحصل برة الدنيا بتتقلب، أتحدى حد يقولي مين الجهة المسئولة عن أوبر"، مناشدا النائب العام أن يتخذ موقف تجاه شركة أوبر، معلقا: "أوبر هى المسئولة".

واختتم: "ولادنا اللي بيستخدموا أوبر يعملو إيه؟ هتتحركوا إمتى؟.. الناس بتموت!، أوبر شارية التطبيق التاني في مصر، فرحتي بجواب اعتذار من أوبر أمريكا".