طالب الإعلامي عمرو أديب الله رئيس مجلس الوزراء الدكتور مصطفى مدبولي، على الهواء، بعدم قطع الكهرباء هذا الأسبوع بسبب ارتفاع درجات الحرارة، قائلا "درجات الحرارة الأسبوع ده في الأربعينات، أرجو ما تقطعوش النور ده".
وأضاف عمرو أديب، خلال تقديمه برنامج "الحكاية": "هو طلب غريب شوية، وأنا آسف، وعارف إنه المفروض مايتعملش"، مضيفا: "درجات الحرارة هذا الأسبوع صعبة جدا".
وتابع: "هل ممكن أن أطلب من رئيس الوزراء استثناء هذا الأسبوع من قطع الكهرباء، الرحمة فوق العدل؛ لأن الجو صعب، وفيه ناس مريضة، وحياتها صعبة، وساكنة في أدوار مرتفعة".
وتابع عمرو أديب: “لما تكون درجة الحرارة فوق الـ40 لازم تقدروا تعملوا حاجة، حتى بحق حلاوة الفلوس اللي جت من صفقة رأس الحكمة، أو الدولار اللي نزل، أو الفلوس اللي جاية من صندوق النقد، حلّوا بوقنا يعني”.
وأكمل عمرو أديب: “مش بقول الصيف كله، أنا بقول في الأسبوع المرعب في حرارته ده، هل من الممكن منقطعش النور في الأسبوع ده؟! بلاش، هل ممكن نقطعه ساعة واحدة بس بدل من ساعتين؟.
تابعوا آخر أهل مصر على Google News
