عمرو أديب منفعلًا: بحب بلدي.. لكن لما الحرارة توصل 45 والكهربا مقطوعة يبقى الأمر ملوش علاقة بالوطنية

علق الإعلامي عمرو أديب، على انقطاع التيار الكهربائي قائلا: 'يا جماعة في ناس كلموني من أماكن مختلفة بيقولوا إن الكهرباء عندهم قطعت بالساعات النهاردة وفي الجو الحر جدًا ده'.

وخلال برنامج 'الحكاية' المذاع عبر فضائية 'إم بي سي مصر'، تابع 'أديب' منفعلًا: 'أنت لما قطعت الكهرباء يا ترى كام مصنع وقف؟.. وهل المصانع دي هتدفع نفس الضرائب؟!.. أنا وطني وبحب بلدي ولكن لما درجة الحرارة توصل لـ 45 والكهربا مقطوعة، يبقى الأمر ملوش دعوة بالوطنية'.

انقطاع التيار الكهربائي

وأكمل 'أديب': 'الأخبار بتقول إن في تغييرات في وزارة الكهرباء بسبب الهدر في الكهرباء، مردفا بـ: 'الله يكون في عون الوزير في مصر، إحنا مش عاوزين وزير، إحنا عاوزين سوبر مان'.

وفي سياق متصل أشار 'أديب' إلى أن المصريين ينتظرون تغيير، ويكون هناك شيء مختلف، معتبرا أن هذه الوزارة لم تحظى بكثير من التعاطف من المصريين، مضيفا: 'كل شيء بيحصل في الدولة عشان تكون الناس مبسوطة'.