أحمد موسى منفعلًا: مشايخ مطروح كلموني عشان أزمة المياه اللي عندهم

كشف الإعلامي أحمد موسى، أن الإسكندرية استقبلت ملايين الزوار خلال إجازة العيد والسهرات كانت للفجر والكورنيش كان زحمة موت.

وخلال تقديم برنامج على مسئوليتي، المذاع على قناة صدى البلد، تابع 'موسى': «يا سلام على إسكندرية وجمال إسكندرية كنت ترش الملح مينزلش».

وأكد 'موسى' أن أهالي إسكندرية بيضايقوا بيقولوا مش بنعرف نخرج وناخد راحتنا، ولكن الناس بتحبها وبتلاقي فيها كل حاجة بداية من الفول والطعمية.

أزمة مياه مطروح

وواصل موسى: 'الرطوبة عالية في إسكندرية بس بتكون جميلة، والساحل الشمالي ومطروح زحمة زي إسكندرية، موضحا أنه تلقى اتصالات من مشايخ مطروح لمعاناتهم من أزمة مياه خلال إجازة عيد الأضحى'.

واختتم: 'في حاجة حتى في السويس من أزمة مياه والحاجات دي لازم تتشاف من المحافظين وحتى أهالي العجمي اشتكوا من أزمة مياه، يعني ينفع بيت ميكونش فيه مياه، دا حتى المياه حياة ولازم كل مسئول يشوف الحكاية لأن الناس بقيت تشتري مياه في فناطيس'.