شهدت حلقة برنامج «الماتش»، الذي يقدمه الإعلامي هاني حتحوت، انفعالات ومشادا كلامية بين وليد دعبس، رئيس نادي مودرن سبورت، ومقدم البرنامج الاعلامي هاني حتحوت، وذلك نظراً لسؤال طرحه هاني حتحوت حول المتسبب في وفاة الاعب أحمد رفعت.
خلال المكالمة وجه الإعلامي هاني حتحوت سؤال إلى وليد دعبس قائلا ً: «هل دعيت إلى تحقيق خلال الأيام الماضية؟»، ليرد وليد دعبس: «أنا أروح تحقيق؟ ليه إن شاء الله؟، على أساس إيه مش في لجان قانونية».
وأضاف وليد دعبس: «إيه الكلام الفارغ ده، أنتم يا جماعة بقيتوا تقولوا كلام فارغ في فارغ، أنتم مش إعلام أنتم مأجورين»، قبل أن تنتهي المكالمة بشكل مفاجئ
ولفت:« الموضوع فيه لبس، أحمد متعملش أي إجراء معاه غير كل خير ليه ولأسرته ولأي حد بيحبه، غير كدة وكدة مفيش برنامج متقالش فيه على أخلاقيات أحمد مني».
وأردف وليد دعبس: «لو عمال تأخد في كلام أحمد رفعت كله نسيت ليه إنه قال الراجل ده مش رئيس نادي ده أبويا».
ليرد هاني حتحوت: «لأني ببساطة واقف عند نقطة واحدة وهي من ضغط على رفعت وتسبب في موته".
ليعلق وليد دعبس: «الظاهر أنت برضو بتحاول تحور الحوار، بقولك الراجل قال ده أبويا مش كلمة حلوة، أبويا دي كلمة كبيرة يا أستاذ».
ليقاطعه هاني حتحوت: «لكن موت رفعت أكبر يا دكتور، والمسؤول عن موته لازم يحاسب»
ليرد من جهته وليد دعبس قائلًا: «بالفكر ده دمرتوا الإعلام مش عايزين حد يتكلم».
تابعوا آخر أهل مصر على Google News
