رفض يغششه فطعنه.. مفاجآت في اعتداء طالب على زميله بامتحانات الثانوية العامة ببورسعيد (فيديو)

طعن طالب بشهادة الثانوية العامة في محافظة بورسعيد، اليوم الأربعاء، زميله داخل إحدى لجان امتحانات الثانوية العامة بدعوى عدم السماح له بالغش منه.

وتحدثت والدة الطالب المُعتدى عليه لموقع وجريدة 'أهل مصر'، في تصريحات خاصة، وقالت: 'بشهادة أصحابه ابني كان قاعد بيحل في ورقة الإجابة، الطالب البلطجي طلع سكينة 'مطواة' وضربة 'غدر' من وراء ضهره، ضربه في رقبته ودراعة وكتفه'.

وانهارت والدة الطالب من البكاء، مرددة: 'إزاي المطواة دخلت اللجنة فين التفتيش اللي بيقولوا عليه دول منعوا دخول الطلاب بالموبيلات، إزاي طالب يدخل بسكينة مطواة ويضرب زميله'.

وأضافت: 'قبل كده كان في خناقة بينهم وبين بعض يوم امتحان الفيزياء، قاعد وراه على طول في اللجنة وضربه ضرب بغباء لما رفض يغششه.. طب هو عملك اية وفين الرقابة في اللجان'.

وأكملت: 'الحمد لله إنبي لحقوه ودخل المستشفى الأميري، وأخدوا الطالب على القسم واتحول للنيابة، لكن أهلة عايزين يثبتوا أن تصرفاته مش طبيعية عشان يخرجوه'، متساءلة: 'إزاي مش طبيعي.. هو دخل المدرسة وبيمتحن ثانوية عامة إزاي وتصرفاته مش طبيعية، هو عايش يعني عشان يضرب في الناس'.

وأتمت: 'الحمد لله الضربة مجتش في مقتل وإلا كان إبني مات وهو بيحل الامتحان، وحرام يعمل فيه كده آخر يوم في الامتحانات'.