ياسمين عز للسيدات: أنا في طريقي للجواز.. ولو شايفين نصايحي تفاهة لن تفلحوا

أعلنت الإعلامية ياسمين عز، سر الزواج الناجح من وجهة نظرها، مؤكدة أنها ستنفذها عندما تتزوج قريبًا.

وردت ياسمين عز، على سؤال متصلة في برنامجها كلام الناس، المذاع عبر شاشة قناة "MBC مصر"، عن سر نجاح الزواج، قائلة: "أنا هقولك بشكل عام لأني في الطريق للجواز، وأنا شايفة من تجربة أهلي، إن الست عمود البيت والست بذكائها وحكمتها وعقلها واحتوائها وقدرتها على استيعاب الأمور مع الرجل وتقبل اختلافه، والموضوع اللي مش محتاج من الست أنها تتخانق مع جوزها بلاش تتخانق، الرجل كائن لا يعبر ولا رغاي، الست تكون صبورة وتدلعه ولو شايفين أن اللي بقوله تفاهة لن تفلحوا مع الرجل، أنك تدلعي الرجل صنعة".

وواصلت "عز": "لو فيه واحدة خرساء اتجوزت هتلاقوا أن الشكاوي من اللسان الطويل والرد خلصت، متقوليش أنا طيبة واللي في قلبي على لساني، لأ متقوليش اللي في قلبك قدام جوزك".

وأوضحت "عز" أنها لا تقبل أن يدخل زوجها في علاقة مع امرأة أخرى، قائلة: عمري ما قولت لو جوزك في علاقة مع واحدة متزعليش ده محبوب، أنا مقبلش أن جوزي يكون في علاقة مع واحدة، ولكن أفرح لما يكون محبوب.