مدبولي عن تخفيف الأحمال: الدولة تحملت 1.2 مليار دولار لوقف قطع الكهرباء

قال رئيس مجلس الوزراء دكتور مصطفى مدبولي، إن الفاتورة الشهرية لوزارة الكهرباء المفترض دفعها لوزارة لبترول تبلغ 16 مليار جنيه.

الدولة تحملت 1.2 مليار دولار لوقف قطع الكهرباء

وأضاف «مدبولي»، خلال مؤتمر صحفي عقده مساء اليوم الثلاثاء: طب الكهرباء بتدفع منها كام؟ 4 مليارات فقط، والدولة تتحمل الباقي، فأنا لما أزوّد باعمل إني بازود حتة بس، وهنتحرك في ده لمدة 4 سنين، وحتى بعد ده، ستظل الدولة تدعم بعض الشرائح.

وتابع رئيس الحكومة: طبعًا عندنا مشكلة كبيرة في الفاقد في الشبكة الكهربائية، حجم الفاقد التجاري اللي راجع نتيجة السرقات، ليس بالقليل، عشان كده بنركب عدادات كودية للمنازل والمنشآت غير المقننة، موضوع التصالح شيء وموضوع حقي ده شيء آخر، فيه حجم سرقات برقم كبير، وده جزء من بناء الوعي، الدولة تتحمل وبيعمل تأثير على الخدمات، لو بوصل لـ100% تحصيل، كان ممكن ماروحش لتخفيف الأحمال، الحكومة مسؤولة، لكن المواطن شريك مع الدولة.