خالد الجندي: من لم ينجح في الثانوية العامة ليس فاشلًا

قال الشيخ خالد الجندي، عضو المجلس الأعلى للشئون الإسلامية، إن من رسب ولم ينجح في الثانوية العامة ليس فاشلًا، وإنما هو شخص لم يحالفه التوفيق.

وأضاف الجندي، اليوم الثلاثاء، خلال تقديمه برنامج "لعلهم يفقهون" المُذاع عبر قناة dmc: "اللي سقط في الامتحان واللي مانجحش في الثانوية العامة مش فاشل، اللي بيعمل مشروع وماينجحش فيه مش فاشل، الفشل يعني الجبن، الفاشل ده شخص جبان".

ووجه الجندي رسالة لأولياء أمور الطلاب المتفوقين في الثانوية العامة، قائلًا: "كل أم لكل ابنة وابن تفوقوا ونجحوا في الثانوية العامة، هي أم أعطت وأدت وأخلصت ولم تنشغل وخدت الموضوع جد، إنما الولد في السن ده ماتتوقعش منه التخطيط الجيد لمستقبل حياته".

وتابع: "البيت يعني المرأة مش رجل، الرجل بييجي ضيف، لأنه بيروح شغله وبيشوف مصلحته إنما اللي بيربي وبيؤسس ويعشش المرأة، والبيت منسوب للمرأة أي آية في القرآن جابت سيرة البيت نسبته للست مش الراجل، فالبيت يعني سيدة مصرية جدعة، أسد قاعدة بتسيطر وصابرة ومتابعة وحازمة في السيطرة على مشاغل الدنيا اللي ممكن تقبل على الولد".