كشفت فتاة تدعى فرح مصطفى عن تعرض والدها للضرب والاعتداء من لاعب كرة القدم أحمد عادل، الظهير الأيمن السابق للنادي الأهلي.
وتحدثت 'فرح' في مقطع فيديو عبر حسابها على موقع 'تيك توك'، واتهمت اللاعب بالاعتداء على والدها وكسر قدمه اليسرى.
وأوضحت الفتاة كواليس المشكلة من البداية، وقالت: 'اللي حصل إن بابا كان في مارينا وأخواتي كانوا معانا، أخويا الصغير كان بيلعب مع ابن لاعب الكرة احمد عادل، ابنه معرفش عمل ايه وراح ضربه وعوره بخربوش في وشه، أخويا داخل يدافع عن أخوه الصغير وبعدهم عن بعض وبابا شاف اللي حصل وقاله معلش وألعبوا مع بعض، وبعدين اخد أخواتي عشان يأكلوا في مطعم'.
'وأضافت: 'بابا وهو بياكل في المطعم صاحب المحل جاله وبيقوله في واحد عايزك برة - في الإشارة إلى اللاعب أحمد عادل- طبعا هو لو عايز يتكلم كان دخل جوا بس هو عارف هيعمل اية'، مرادفة: 'باب طلع له عشان يتكلم معه، بدء اللاعب يكلمه برطيقة وحشة وبيشوحله وبابا بيحاول يهديه وقاله الموضوع اتحل ومش مستاهل، فضل يزوقه في كتفة، بابا قاله عيب كلمني باسلوب كويس وإحنا ناس متحضرة'.
أحمد عادل لاعب الأهلي السابق
لمشاهدة الفيديو من هنا
وتابعت: 'اللاعب فضله يخبطه في وشه وكتفة وبابا راحه ضربه، وبعد كده بابا لقى 4 ستات ماسكين فيه وفيه واحدة مسكته من رقبته بتخربشه وواحدة من رجلة شمال، وهو عشان لاعيب كورة عارف الرجل بتكسر من اية، قام خبط بابا بالشلوت كسرله قصبه رجلة'.
وأردفت: 'اللاعب اتمسك في برج العرب ومعمول فيه محضر ولما نشوف اخرتها مع البلطجة دي، أنا مش شايفه الموضوع يستحق تيجي تتناقش فيه هو احنا اللي ابننا متعور ومتخربش انا مشفتش كده في حياتي اية البلطجة دي'.
وحررت أسرة المجني عليه محضرًا برقم 387 لسنة 2024 جنح مارينا، بعد تعرض مصطفى محمود لاعتداء من قبل أحمد عادل، لاعب النادي الأهلي السابق، حيث تم نقل المجني عليه إلى مستشفى العلمين، وأجرى عملية جراحية على إثر الواقعة.
تابعوا آخر أهل مصر على Google News
