عقب سيد العراقي، مدرس الفلسفة وعلم النفس، على قرارات وزير التربية والتعليم والتعليم الفني، التي أعادت هيكلة مواد الثانوية العامة مما تسبب في إلغاء بعض المواد من المواد الأساسية المضافة للمجموع ودمج مواد أخرى.
ونشر 'العراقي'، مقطع فيديو عبر حسابه الشخصي بموقع التواصل الاجتماعي 'فيسبوك' وجه فيه رسالة إلى أبنائه الطلاب، قبل بداية العام الدراسي الجديد 2024/2025.
وقال: 'كل أبنائي اللي كانوا حاجزين معايا في تانية ثانوي روحوا السنتر اسحبوا فلوس الحجز، احنا لسة لم نبدأ بعد'.
وأضاف: 'مصلحتي كمدرس أبقى زعلان إن المادتين اتلغوا، لكن الحمد لله أنهم اتلغوا لأنهم لأنه وفر على ولي الأمر حمل مادي لأنهم مادتين، كما فر على الطالب تذاكر 5 مواد بدل ما كنت بتذاكر 7 مواد، ويارب تستغلوا الفرصة'.
وأكمل: 'أنا في نعمة بفضل الله وقاعد مستمتع بحياتي وربنا أنعم عليا وعندي مدارس انترناشيونال أنا متواجد في الشغل بتاعي مدرس فلسفة وعلم نفس، الفلسلفة للصف الأول الثانوي وعلم النفس لثانية ثانوي، وعندي مدارس أمريكية بتاعتي أنا اللي بديرها ومستمتع بحياتي'.
وأتم: 'العمر تعبنا فيه كتير وربنا أدانا اكتر من حقنا، وطلاب ثالثة ثانوي ربنا يوفقكم، لو احتاجتوا حاجة أنا معاكم هتلاقوني أب وليس مدرس.. ربنا يوفقكم'.
تابعوا آخر أهل مصر على Google News
