قالت الإعلامية إنجي أنور، "احنا بنطور الطرق وبنوسعها علشان نسهل علي الناس الحركة ونقلل الوقت والمجهود واستهلاك البنزين، ولا علشان الناس تبقي مهملة ومتهورة أكتر في السواقة وكل يوم نسمع عن حادثة شكل".
وأضافت إنجي أنور، خلال برنامجها "مصر جديدة"، المذاع على قناة ETC، قائلة: "أن الفترة اللي فاتت تقريباً كل يوم فيه أخبار عن حوادث عربيات، او حد سايق داس واحد بيعدي الطريق واخرهم أحمد فتوح لاعب الزمالك وعصام صاصا مغني المهرجانات وغيرهم وغيرهم كتير".
وأوضحت إنجي، قائلة: "الدولة وسعتلك الطريق وخلتهولك بدل الحارة خمسه واكتر كمان علشان تسهل عليك، فانت تجري بتهور، متلتزمش بالتعليمات ولا السرعات المقررة، هي الناس مش عايزة تلتزم ليه، هى ارواح الناس لعبة؟، انت سايق فاكر نفسك بتلعب "بلايستيشن" لما تعمل حادثة هتدوس علي زرار وتعيد الدور من الأول؟".
تابعوا آخر أهل مصر على Google News
