أحمد موسى: كامل الوزير حل مشاكل 73 مصنع في 5 ساعات

كشف الإعلامي أحمد موسى، تفاصيل اجتماع الفريق كامل الوزير نائب رئيس الوزراء للتنمية الصناعية اليوم لبحث مشاكل المستثمرين والمصنعين وحلها، قائلاً: «الاجتماع ده كان محدد له ساعتين فقط، وسيادة الفريق قعد 5 ساعات عشان يتابع ويحل».

وخلال تقديم برنامج «على مسئوليتي» المذاع على قناة صدى البلد، أكد 'موسى' أن الفريق كامل الوزير قام بحل مشاكل نحو 73 مصنع في اجتماع اليوم الذي استمر لمدة 5 ساعات فقط، معقبًا: «كامل الوزير لديه القرار والشجاعة لحل جميع مشكلات المصنعين».

وتابع 'موسى': «ضيعنا وقت طويل في موضوع الصناعة، ومحدش يزعل من كلامي، إن فيه حلول تتم في هذا الاجتماع لمشاكل بقالها أكتر من 15 سنة، يبقى إحنا كنا في أزمة كبيرة فعلا».

وأكمل 'موسى': «محدش كان بيقعد مع المصنعين والمستثمرين قبل كدة، ومكنش حد بيسمع حد، ده فيهم واحد جاي من المنيا عشان إمضاء بسيطة عشان يشغل مصنعه المتوقف بقاله كام سنة ومحدش كان راضي يحل ليه مشكلته».

ووجه 'موسى' رسالة عتاب إلى المسؤولين السابقين الذين لم يسعوا لحل مشاكل المصنعين والمستثمرين، قائلاً: «ليه ظلمتوا الناس دي، ده كل ده عبارة عن فلوس برا وجوا البلد، كل ده إنتاج ضايع، ليه كنا بنعطل مصالح البشر بالشكل ده! دول ناس عايزين يشتغلوا في بلدهم ويخدموها».

واختتم 'موسى': شعركم هيقف، لإن المشكلات دي كلها كانت أمور سهلة وبسيطة أوي، وكان ممكن أي حد يحلها، دي مكنتش تستاهل يتم تعطيلها السنين اللي فاتت دي، ولكن مفيش إرادة».