ياسمين عز للفتيات: اختاري راجل أول ما تشوفيه تقولي هو ده اللي هيدفعلي النفقة في ميعادها

قدمت الإعلامية ياسمين عز، نصائح للفتيات حول كيفية التعامل مع خطيبها، حيث أكدت أنها لا بد أن تتركه وقت النوم ليستريح من عناء عمل اليوم.

وخلال برنامج كلام الناس، المذاع عبر قناة "إم بي سي مصر" قالت "عز": "لما تكلمي خطيبك بالليل ويقولك اقفلي أنا عايز أنام دلوقتي، يبقى تقفلي على طول، مفيش حاجة اسمها أنت هتنام وتسيبني؟، يسيبك فين هو انتي تايهة في الشارع؟، سيبيه ينام الراجل عنده شغل الصبح".

وتابعت: "أغلى ما يمكن أن تشتريه للمرأة هو خاطرها، الست مستحيل تبيع الراجل اللي اشترى خاطرها، الراجل الحنين والسند واللي مش بيسيبها الدنيا تيجي عليها".

واختتمت "عز": "عمر القلوب ما بتشترى بالفلوس، القلوب بتشترى بالأمان والحنية، اختاري الراجل اللي أول ما تشوفيه تقولي هو ده اللي هيدفعلي النفقة في ميعادها".