أعرب الإعلامي أحمد موسى، عن غضبه الشديد مما تم الترويج له مؤخرًا عن عملية طلاء أسدين قصر النيل، قائلاً: البعض يبث شائعات ضد الدولة لزعزعتها».
وخلال تقديم برنامج على مسئوليتي المذاع على قناة صدى البلد، قال "موسى": «الناس اللي بترممه ناس متخصصين وفنيين، وسيظل الأسدين رمزين شامخين للتراث المصري القديم ولكل المصريين».
وأشار "موسى" إلى أنه يتم إجراء صيانة دورية لأسدين قصر النيل من خلال خبراء متخصصين، حيث كانت أخر صيانة له في عام 2016.
وأكمل "موسى": «بعض الناس عندها غيره على بلدها وده أمر مشروط وطبيعي، فالكل عايز يحافظ على تراثه القديم العظيم، ودول ناس تشكر، ومش عايز الناس تشكك في كل حاجة بمجرد الكلام على مواقع التواصل الاجتماعي».
ووجه "موسى" تساؤلًا على الهواء لبعض المشككين في العاملين على طلاء أسدين قصر النيل، قائلاً: هل الناس اللي شغالين هناك دول معندهمش خبرة! ».
كما أبدى "موسى" استياءه من الكتابات الموجودة على أسدين قصر النيل، قائلاً: «فيه ناس كاتبه على الأسد كلام ميتكتبش، اللي كاتب أبو ملك واللي كاتب ابو مش عارف ايه، واللي راسم قلب، كلها حاجات متنفعش نهائي».
تابعوا آخر أهل مصر على Google News
