علق الإعلامي عمرو أديب على كلمة الرئيس السيسي خلال احتفالات عيد الميلاد المجيد بمقر كاتدرائية عيد ميلاد المسيح قائلا: "الفترة الماضية في ناس كتير حاولت تصدر صورة إن مصر عليها الدور بعد سوريا"
وخلال تقديم برنامج "الحكاية" عبر فضائية "إم بي سي مصر" تابع "أديب": "الرئيس السيسي قال القلق مبرر، لكن أنا مش بقلق على مصر من بره، لكن القلق دايما بيكون من جوه".
وأكمل "أديب": "سوريا سقطت لأنها كانت "مخوخة" من الداخل، ولذلك سقط نظام بشار الأسد، لكن مصر قوية من الداخل، ومحدش في الخارج يقدر يعملنا حاجة".
وفي وقت سابق، قال الرئيس عبدالفتاح السيسي إن «كل حاجة بتحصل بيد ربنا، وعلينا الأخذ بكل الأسباب لحماية بلدنا، وأول الأسباب محبتنا لبعضنا كلنا».
وأضاف في احتفالات عيد الميلاد المجيد بمقر كاتدرائية عيد ميلاد المسيح، مساء الإثنين، أن «حجم المحبة بين المصريين يزيد كل يوم عن يوم، وحجم الوعي والفهم الموجود لدى المصريين ضخم جدًا بيخليهم شايفين ومستعدين لكل شيء».
وأوضح أن «القلق ربما يكون مبررًا والظروف الصعبة كانت موجودة في أوقات سابقة، وأنا عشان مسؤول عنكم بتعامل مع كل الأمور بشرف ونزاهة وأمانة».
وتابع مخاطبًا المصريين: «لو كان اللي بيحكم أيده متعاصه بدم الناس خافوا على بلدكم، ولو أخد أموال الناس خافوا على بلادكم، لكن الحمدلله لا ده موجود ولا ده موجود».
تابعوا آخر أهل مصر على Google News
