ابنة شقيقة ضخية سفاح اسكندرية: خالي وهو بيكلمنا كان باين من صوته إنه اتعرض للضرب

كشفت "دينا جمال" ابنة شقيقة الصحية الثالثة لسفاح الاسكندرية، كواليس بداية العلاقة بين خالها والجاني، مشيرة إلى أنه تم العثور على الفيزا الشخصية الخاصة بخالها، مع المتهم، ولكن قالوا إنه سيكون هناك تحليل دي ان ايه أولا قبل البت في الأمر.

وتابعت "دينا" في مداخلة هاتفية مع الإعلامية فاتن عبد المعبود، في برنامج صالة التحرير، على قناة صدى البلد، قائلة: "خالي كان عند والدتي وقالها إن فيه محامي اسمه "نصر الدين محمد" جايبلي مشتري للبيت وطلب منه عقد البيت، وكان خالي بيزورنا على طول، واختفى يومين، ولما اتصلنا ببنته قالت اننا بنتصل بيه مش بيرد، واتصلت بينا ولما عرفنا بدأنا نتصل عليه، وبنته بعتتله رسالة وقالتله انها هتبلغ الشرطة لو معرفناش انت فين، راح اتصل بينا وقالنا انه مع المحامي، وخلانا كلمنا المحامي، وبعدها معرفناش عنه حاجة، تواصلنا مغ المحامي وهددنها اننا هنبلغ عنه، وقال سيناروهات كتير منها انه اتجوز اوكرانية وباع البيت وسافر.

واختتمت: "طلبنا منه ان يذهب معانا للقسم لكن طبعا هو محامي وفاهم في القانون، ومعانا صور له وهو قاعد معانا، كان عايز يسرق من خالي البيت والعربية، هو اتعرف على خالي في المحكمة وكان لى تواصل معاه لمدة شهر، كان عايز يمضي خالي بالعافية، صوت خالي كان باين عليه مضروب من طريقته في الكلام.