قال محمد السيد، والد الزوجة المعتدي عليها في سوهاج، أن ابنته تتعرض للعنف من زوجها منذ فترة طويلة، لكنها دائما تتصالح معه من أجل الحفاظ على أطفالها.
وتابع محمد السيد في مداخلة هاتفية مع الإعلامية فاتن عبد المعبود، ببرنامج صالة التحرير، المذاع على قناة صدى البلد، أنهم لم يروا زوج اابنتهم حتى الآن، وهو يخضع للتحقيقات، مشيرا إلى أنه اعترف بجريمته.
وقال "السيد": "اعتدى على بنتي كتير وكل مرة بنعمل قاعدة عرفي وبترجع له، كانت بترجع علشان العيال، هي اشتكت منه كتير وكانت عايزة تسيبه من زمان لكن كان بيهددها إنها مش هتاخد عيالها.
وعن حالتها الصحية، قال السيد:"حالتها سيئة جدا ومحتاجة علاجات كتير مكلفة ومش موجودة هنا، فيه اتلاف تام في الاحبال الصوتية وتلف في الحنجرة ومحتاجة رعاية كبيرة علشان مش بتتكلم خالص".
وأشار "السيد" إلى أن ابنتها اتفقت مع زوجها على الطلاق، قائلا: " بنتي وجوزها اتفقوا ان العيال تخلص امتحانات وبعدها تطلق منه، لكن هو لما عرف اللي هي بتسعى له بقى يعتدي عليها".
وتابع شارحا تفاصيل هروبها من زوجها بعد الواقعة، قائلا: "ضربها وكتفها ولما قالتله غايزه ادخل الحمام فكها، ومن كرم ربنا نام ولما لاقته نايم خد بنتها وهربت على الشارع، وشافت سواق التاكسي وكتبتله رقم اخوها، وفعلا اتصل بينا وروحنا جبناها، ومن ساعة الواقعة مشوفناش جوزها ده خالص، لسه بيتحقق معاه".
وفي الختام ناشدت فاتن عبد المعبود المجلس القومي للطفولة والأمومة والقومي للمرأة، من أجل نشر حملات للتوعية، وتوعية السيدات بحقوقهما وللحد من العنف الذي زاد في الفترة الأخيرة.
تابعوا آخر أهل مصر على Google News
