انهارت والدة إسلام، الشاب المجني عليه في واقعة «بدلة الرقص» بقرية ميت عاصم التابعة لمركز بنها، على الهواء، قائلة: "قلبي محروق على ابني.. ابني ما عملش حاجة، والناس كلها لازم تعرف الحقائق".
وأضافت الأم في مداخلة هاتفية لبرنامج "خط أحمر" الذي يقدمه الإعلامي محمد موسى على قناة الحدث اليوم،: "اتلموا عليه وبهدلوه قدام الكاميرات… دلوقتي الداخلية قبضت على كل المتورطين وتم تقديمهم للنيابة العامة، والتحقيقات مستمرة معهم".
وعن حالة ابنها، قالت: " حاولت أشوفه وما سمحولي… بس أنا عارفة إن القانون هيجيب له حقه".
وأكدت الأم أن الواقعة بدأت بعد خلاف عادي يتعلق بخطبة ابنتها السابقة، لكنها تحولت إلى إهانة عامة وتعذيب معنوي لابنها أمام المجتمع، قائلة: "بدل ما ياخدوا بنتهم… أخذوا ابني وعملوا فيه اللي شفناه، وقلبي مش قادر يتحمل ده… لكن أنا متأكدة إن الحق مش هيضيع".
وختمت الأم رسالتها: "أنا عايزة حق ابني.. وإن شاء الله حقه هيرجعله… في مصر ما فيش حق بيضيع".
تابعوا آخر أهل مصر على Google News
