هو إيه دور الحكومة؟.. تعليق ناري من عمرو أديب عن أنباء رفع سعر الخبز السياحي

علق الإعلامي عمرو أديب على شائعة زيادة سعر الخبز السياحي، قائلا: "حاولنا نكلم وزير التموين نتأكد منه لكن واضح أنه مشغول".

وخلال تقديم برنامج "الحكاية" تابع "أديب": "هو إيه دور الحكومة أما كل شوية تمررلنا الزيادات؟.. أين الحلول؟.. والمواطن هيعمل إيه؟.. ده حتى الجبنة زادت 20% وقالوا إن مضيق هرمز السبب".

وواصل "أديب": "طيب أنت أما تزود العيش دلوقتي عشان الدقيق سعره زاد هتعمل إيه أما البنزين سعره يزيد هو كمان؟.. هتزوده تاني؟.. حد يقولي هو البنزين سعره هيزيد؟.. أقولك متنساش مضيق هرمز".