قال الإعلامي أحمد موسى، إن الاستثمارات الخارجية تأتي بدعم أن الاقتصاد المصري في الطريق الصائب، معلقا: محدش هيجيلك إلا وأنت ماشي على الطريق.. سيبكم من الجهلة اللي بيروجوا الشائعات مش هقول كلمة تانية، لازم يذاكروا.
وأضاف "موسى" خلال تقديم برنامج "على مسئوليتي" المذاع على قناة صدى البلد، أن العشوائيات انتهت في مصر، معلقا: بعض الناس مكانوش عايشين كل المناطق اتغيرت.. صخر الدويقة لما حصلت الناس كانوا عايشين في الشارع، الناس كانت عايشة تحت الكباري، وكانت طرق محدودة ونقف بالساعات، وفتحنا شرايين البلد لتيسير حركة الناس.
وتابع "موسى": "مروجي الشائعات مفيش عندهم ذرة إنصاف أو مصداقية أو أمانة إنهم يقولوا للناس الحاجة الحقيقية".
وأكمل: معانا حلقة نتكلم فيها عن الأسعار اليوم.. المشكلة إن الحاجة موجودة لكن مفيش قدرة شرائية فيه ركود.. في خيارين نجيب أكل وشرب طماطم وبطاطس نأكل ولادنا ولا نجيب تفاح وفاكهة غالية.. اللي موجود ما هو متاح .. الفاكهة موجودة وسعرها بينزل لأن المواطن عنده أولوية نأكل الأولاد.
وواصل موسى: لما يبقى عندي رفاهية أشتري الفاكهة الغالية.. رمان أسيوط.. أسيوط هي رقم 1 في الرمان.. المواطن أصبح يشتري أولوياته.. أنا متضايق لأن السوق فاضي في التقارير القديمة كان السوق بيكون زحمة والناس بتشتري.