قال الدكتور محمد علام، نائب مدير مستشفى النجيلة المركزي، أن الناس لاحظت منذ بداية أزمة فيروس كورونا المستجد كوفيد 19، لم اتحدث عن برتوكول علاج أو أدوية للوقاية، موضحًا عدم وجود علاج يدخل الجسم دون مضاعفات.
وأشار الدكتور محمد علام في منشور له منذ قليل على صفحته الشخصية عبر موقع التواصل الاجتماعي "فيسبوك" إلى عدد من النقاط المهمة كالتالي:
١- لا يوجد علاج يدخل جسم الانسان بدون مضاعفات فيجب استعماله بحذر وتحت إشراف طبيب.
٢- لا يوجد علاج فعال حتى الان ينصح بأن ياخذه أحد وعندما يكون متاحًا ان شاء الله خلال شهور هيكون باعداد مهما كانت فهى محددة وسيكون للفئات التي تحتاجه بمعنى من يحدث له مضاعفات أو بدأت حالته تتحول إلى سيئة او حتى متوسطة حسب الاشاعات وتحاليلة وحالته لان مهما توافر الدواء فهيكون كمية محدودة لكن لو جسمك تعامل كويس وبتخف ليه تاخده وفى غيرك هيموت لو مخدهوش هل لأنك معاك فلوس.
٣- لا يوجد شيء يحمي من الإصابة بكورونا ولا نوع اعشاب ولا فيتامينات ولا أدويه حتى الان اى انسان على وجه الكره الارضيه لو دخل جسمه الفيرس هيصيبه وهيختلف الأعراض باختلاف قدره الجسم على مكافحة الفيرس والغالبيه العظمى بتتعامل كويس بمعنى لا يوجد أعراض اصلا او اعراض ليوم او يومين او اسبوع وبيخفوا لكن الاكل الصحى والاهتمام بالصحه العامه وحالتك الصحيه هى اللى هتفيد فقط .
٤- عندما يتم علاج الأشخاص الذين تظهر عليهم أعراض بسيطة أو بدون أعراض في المنزل سيتم صرف العلاج لهم وسيمر عليهم أحد لمتابعتهم للتاكد من صحتهم وعدم احتياجهم مستشفى وان الموضوع سيمر عليهم مرور الكرام بدون احتياج لمستشفى (زى دور البرد الموسمى او اخف) فانت تشغل بالك بالعلاج ليه ؟؟!
٥- في حالة شعور شخص بالتعب أو مخالطة شخص مصاب بكورنا يجب عليه الذهاب فورًا لمستشفيات الصدر أو الحميات مع ارتداء كمامة اى طبيب مقيم فى مستشفيات الصدر والحميات هيفيدك اكتر منى وعارفين شغلهم كويس فقط ممكن بأنه يسمع صدرك يشك او اشعه يشك او تحليل فلازم تروح تكشف طالما عندك اعراض ومتخافش كل دكاتره مصر على قدر محترم من العلم.
٦- ((اهم نقطه)) مبقولش تحليل كذا واشعه كذا بتخلينى اشك او استبعد ليه؟؟!! مع ان غيرى بيكتب عنها والناس بتعملها للاسف عمال على بطال مبدئيا انا مش هشارك فى النصبايه دى يعنى حد معدوم الضمير يستغل الناس ويقولهم اطمن على نفسك بتحليل واشعه ان معندكش كوفيد حرام عليك لان هو استفاد ايه بيها ؟؟ هى لا تستبعد ولا تاكد طالما مفيش مسحه. الحاجات دى فقط تخلينى اشك مع الاعراض الغير حاسمه وهنا هتعمل مسحه لكن مفيش اعراض ولا ليها لزمه ممكن مئات الاسباب التانيه اللل تعمل كده وكمان انت بنزولك تعملها وانت معندكش اى اعراض بتزود فرصتك للعدوى فرجاءا بلاش استغلال خوف الناس لمكاسب ماديه حقيره فى الفتره دى .
تابعوا آخر أهل مصر على Google News
