قال الدكتور محمد علام نائب مدير مستشفى النجيلة بمطروح، أن الأطفال في أمان من فيروس كورونا المستجد "كوفيد 19" ، لافتا إلى أنه من رحمة ربنا بنا أن الأطفال فى أمان من المضاعفات والموضوع لا يتعدى فى اسوء حالاته فى كل الحالات المسجلة عالميا دور برد بسيط والحالات القليله التى توفت كانت بسبب عيوب خلقيه كالقلب أو الكلى أو أمراض السرطان فى الأطفال.
وأضاف الدكتور محمد علام، أن مشكلة الأطفال تكمن في
-العامل النفسي للطفل المصاب مش هتقدر تفهمه انه لازم يقعد اسبوعين بعيد عن كل حاجه واحتمال كمان بعيد عنك وهتأثر فى نفسيته لفتره طويله جدا وهيبقى صعب ينساها
-الطفل مصدر مرعب لنشر العدوى أن اصاب بيها لانه مش هيلتزم باى تعليمات ولا هيأمن نفسه ولا هيأمنك ومش هتعرف انه مصاب ويعدى الكبار اللى حوليه.
- بلاش نزول ليهم لتجمعات مش وقتها وخصصوا وقت تلعبوا معاهم وتخففوا عنهم قعدة البيت.
- ادوا لاطفالكم وقت تشرحولهم فيه ان اللى بيحصل ده عادى وان طول ماحنا فى بيوتنا امان لينا
-أهمية تعويدهم على الاجراءات الصحيه البسيطه التي تساعد فى تقليل انتشار العدوى لانها هتحميهم من ميكروبات وفيروسات كثيره غير الكورونا
- امنعوا عنهم الاخبار المرعبه لان اغلبها خاطئ لأن الطفل لن يستوعبها اذا كان الكبار غير مستوعبينها
- لا يجب القاء اللوم على أحد او حاجه فى سبب الجائحه اللى احنا فيه قدام الاطفال لانها هتخلى عقله يكون فكره عنصريه عن الوضع بانه مثلا يلقى اللوم على كل الاسيويين لما يكبر هيبقى عنصرى تجاههم
- من ينزل يكون فاهم ماذا يفعل فى الشارع ويحافظ على نفسه حتى لا ينقل العدوى لأسرته في المنزل.
وكان الدكتور محمد علام نائب مدير مستشفى النجيلة بمطروح اعلن عن إصابته بفيروس كورونا المستجد، وطالب باعتبار شهداء النجيلة من شهداء الوطن بعد وفاة 2 من العاملين بالمستشفى وهم ناجي الجراري امين مخازن المستشفى والسيد محمد المحسناوي ممرض أسنان.
تابعوا آخر أهل مصر على Google News
