نائب مدير مستشفى النجيلة يستنكر عدم وعي المواطنين بكورونا: "خدوني عبرة"

كشف الدكتور محمد علام نائب مدير مستشفى النجيلة المركزي، استهتار المواطنين وعدم وعيهم بفيروس كورونا المستجد كوفيد 19، وذلك لما رآه في طريقه لمنزله في طنطا بعد شفائه من كورونا وغياب لمدة 98 يوم عن المنزل.

وقال الدكتور محمد علام في منشور له على صفحته عبر موقع التواصل الاجتماعي "فيسبوك"، : "بعد موصلت موقف الاسكندريه وشفت بعينى اللى بيحصل ويا ريتنى مشفت مفيش غير ٥ من ضمن المئات اللى شفتهم لابس ماسك ومنهم اتنين منزلينه من على وشهم كمان وكل الميكروباصات والاتوبيسات مش لابسين اى حاجه ممكن واحد فى كل ٥ ميكروباصات اللى الاقيه لابس ماسك".

نائب مدير مستشفى النجيلة يشكي من استهتار المواطنين وعدم الوعي بكورونا

وأضاف نائب مدير مستشفى النجيلة: "انتوا واثقين فى نفسكم كل الثقه دى ازاى محصنين يعنى.. ايه يا جماعه لو انتم لقيتم حل يخليكم تنزلوا بكل الثقه دى عرفونا اهو نقفل المستشفيات ونشوف اهلنا على الاقل".

وأكد أن المرض حقيقىوما يحدث سيجعل الإصابات تزيد والوفيات تتضاعف قائلا "خدونى عبره والله العظيم المرض حقيقى.. مفروض باقى على الفطار دقايق والدنيا زحمه امال الصبح الوضع كان ازاى والناس عماله تتف على الأرض وتبوس وتحضن بعضها ولا كان فى اى حاجه".

ولفت إلى أن السيارة التي يصعدها أخذ فيها الكرسي المجاور له ويرتدي الماسك الواقي مع فتح الشبابيك ليس فقط من أجله ولكن لأن الناس لم ترتدي أي كمامات أو حتى وضع مناديل على وجهها، ناهيًا حديثه "ربنا يسترها معانا علشان ملهاش حل غير الستر والله واننا ندعى ربنا . دمتم بأمان برحمه ربنا بينا الواحد محبط ومرعوب بجد".