عمرو أديب يشيد بقرارات الحكومة: مفيش عيد

أشاد الإعلامي عمرو أديب، مقدم برنامج الحكاية بقرارات الحكومة خلال عيد الفطر، قائلاً: "أحسنت الحكومة بهذا القرار".

وتابع أديب: "الحكومة قالت إنها في 15 يونيو هتفتح وكل حاجة هترجع لمكانها، وعندهم خطة من دلوقتى، الأيام الجاية مش عارف ليه الناس هتنزل عشان العيد، مفيش عيد، هيشتروا حاجة العيد ليه؟".

وخلال تقديمه برنامج "الحكاية"، على فضائية "MBC مصر" قال أديب: "مشكورة الحكومة إنها تسيب الحياة الاقتصادية لغاية السبت، وعشان تقدر تفتح في 15 يونيو، فيه أشياء كتيرة لازم تحصل، ويوم 30 مايو الكمامة هتبقى إجبارية، حكاية إن من النهاردة البنوك كلها تبقى فيها كمامة لاحظت أنه يوم الكمامة العالمى، ولاحظت إنه عدد كبير يرتدون الكمامة، ولكن هنا طلب واحد بس، أن يتم توفير الكمامات".

وكان الدكتور مصطفي مدبولي، رئيس مجلس الوزراء أكد أن الحكومة تنتهز الفرصة خلال أجازه عيد الفطر وتم التوافق عليه أن من يوم الأحد وحتى الجمعة بواقع 6 أيام سيتم غلق كافة المحال التجارية والمولات والمطاعم ومناطق تقديم الخدمات الترفيهية والشواطئ وحظر حركة المواطنين اعتبارا من الخامسة مساء وحتى السادسة صباحا.