علق الإعلامي عمرو أديب خلال تقديمه برنامج الحكاية بقناة إم بي سي مصر على الادعاءات التي تروج لها الجزيرة، بأن صندوق تحيا مصر تكفل بنزول ابنه نور في فندق راق للحجر الصحي بدون دفع أي مصاريف جراء هذا، قائلا: "لازم أرد علي موضوع ابني لان ابني كان من العالقين في لندن ورجع دخل الحجر وقعد 14 يوم كاملين وده كان من العالقين اللي جاءوا في الأول ونزل في فندق المطار، إنما ابني جه ولم يتم استثناؤه من شيء حتي يتم الكشف عليه علشان مينقلش المرض لينا والبلد كانت واخدة قرار محدش يدفع ساعتها".
وأضاف: "دلوقتي كلهم طالعين علي الموضوع زي الجزيرة بيقولوا ابن عمرو أديب دخل ببلاش حجر صحي، وسابوا قضية الناس اللي في الفنادق ومسكوا في ابني أنا عايز أقولكم إني كنت مورد لصندوق تحيا مصر 250 ألف جنيه وقلت ابني ميقعدش ببلاش دفعت بسبب هذا الموقف قبل ما ابني يخرج من الحجر بيومين ومازلت شايف أن البلد دي نتحمل علشانها".
وتابع: "الطيارة وهو جاي الفلوس مدفوعة مخلتش البلد تحط إيدها في جيبها ومشيلتش البلد أي أعباء، وقلت قول لأصحابك يدفعوا"، وسخر من إعلامي الجزيرة علي أدعائهم أنه أخذ رشوة من وزارة الصحة لابنه: "أنا هاخد من وزارة الصحة رشوة دي البلد حالها تعبان، أنتوا خدتوا علي قفا أمكم وخلي الراجل اللي مشغلكم يسندكم لما تقعوا، طب قولوا حاجة تانية وقولي جهاز أو دولة إنما وزارة الصحة بتلم القرش علي القرش علشان تجيب دوا"، واختتم: "ابني محدش صرف عليه مليم ولا طيارة ولا أكل وأنا قلت حرام البلد تدفع ابني قعد قانوني ودفع حسابه وأكثر".
تابعوا آخر أهل مصر على Google News
