وجه الفنان رامز أمير رسالة خاصة لكل من أشاد به في الدور الذي جسده في مسلسل الاختيار وكذلك كارهيه، مشيرًا إلى أن كل هذا النجاح الذي حدث بسبب حلقة شارك بها لم يكن سهلًا وأن وراء هذا سنوات من التعب.
وكتب رامز أمير عبر حسابه بموقع الصور والفيديوهات الشهير "إنستجرام": "قبل اى حاجة و اول حاجة الحمد لله و الشكر لله على مشاعركم الجميلة و حبكم، و الله ده كرم كبير اوى من ربنا مش شطارة منى، تانى حاجة شكرا ليكم انتم على كمية الحب اللى فعلا اكبر منى، انا بجد متخيلتش ان حلقة واحدة من مسلسل الاختيار ممكن تعملى النجاح ده كله، اوعدكم انى هبذل كل اللى اقدر عليه عشان ابقى قد المسؤولية الكبيرة دى".
وتابع: "عاوز اقول حاجة للناس اللى بتشتمنى و تقريبا بتشتم اى حد ناجح، و الله مزعلان منكم، انا متفهم عشان انتوا مش بتشوفوا غير الهيصة و النجاح اللى ممكن فعلا يبان تافه و مستفز، بس صدقونى النجاح اللى بييجى فى ثانية ده بيبقى وراه تعب سنين و بهدله الناس مبتشفهاش، ان شاء الله الفترة الجاية هركز اكتر انى اشاركم جزء من التعب اللى انا اقصده عشان زى م اللى بيحبونى ليهم حق عليا، اللى بيشتمونى برضه ليهم حق، اسف انى طولت عليكم و شكرا".
يشار إلى أن رامز أمير شارك في مسلسل الاختيار بدور الضابط محمد طلعت السباعي، والذي كان ضمن الكتيبة مع الشهيد أحمد منسي التي كانت في مربع البرث، وأصيب في هذه المعركة.
تابعوا آخر أهل مصر على Google News
