أثارت صورة نشرها الفنان أحمد فلوكس علي صفحته بموقع الصور والفيديوهات الشهير "إنستجرام" غضب متابعيه ورواد مواقع التواصل الاجتماعي بعد تداولها في الساعات الأخيرة الماضية بشكل كبير، ولاقت حالة من الرفض من قبل النوبيين متهمين إياه بالعنصرية تجاههم لأنه يظهر في الصورة صابغًا وجهه بصبغة سوداء معلقًا علي الصورة "عايزة حاجة مني يا ستو هانم" معتبرين أنها إهانة خاصة وأنه لم يشر أنها في مسلسل أو فيلم جديد، وقالت هدي زكريا إحدي المعلقات: "مش عارفه ليه انزعجت من بوست احمد فلوكس الأخير بس في نفس الوقت مبقتش عارفه فعلا هو العيب والغلط علي مين وامتى الصورة دى ممكن تتغير ونبطل نتعنصر على بعض ونتنمر حتى لو من باب التهريج لان التنمر واحد ومفهومه واحد حتى لو كان من باب خفة الدم حد بس يوصله اننا ورحمة أبويا كائنات طبيعيه وبتتكلم عادى مش بنقول يا ستو هانم دي خالص".
وقال محمد عزمي أحد النشطاء النوبيين: "لما ينشر هذا الممثل المغمور علي حسابه الشخصي صورة تحمل تنميط و إهانة عنصرية صريحة لمجرد بس الفكاهة و في وقت العالم كله بيتضامن مع قضايا العنصرية بسبب اللون و العرق ، فده يستحق انه يتعمل ضده حملة يتكتب فيها #هذا_الممثل_عنصري و نطالب كمان المجلس الاعلي للاعلام بفتح تحقيق بخصوص الواقعة علما بانه شال الصورة بعد ما اتشتم من كثير من الناس
وأضاف: "علما بان دي مش اول مرة يحصل فيها ده في الاعلام المصري بس احنا من دورنا اننا نراقب و نقول العنصرية مش بس ف أمريكا لا ده نفس الشكل و اللون و الريحة بتاعة العنصرية اللي ف أمريكا في مصر و ف دول كتير حولينا، مكافحة العنصرية محتاجة مجهودات كتير منها تشريعي و منها مجتمعي بس انا مقتنع تماما ان الدور المجتمعي اكبر كتير من الدور التشريعي و اننا لو وصمنا و ووضعنا الناس اللي بتمارس تمييز عنصري في اطار الوصم المجتمعي ممكن جدا ده يخليهم يتراجعوا عن مواقفهم و أدائهم لادوار فيها شكل من اشكال العنصرية".
وبدخولنا علي صفحة موقع انستجرام الخاص بالفنان أحمد فلوكس لم نجد الصورة المذكورة، وأشار بعض المعلقين أن الفنان حذفها، ووجد أن أخر ما نشر الفنان أحمد فلوكس، هي صورة له، بالزي الصعيدي. وعلق فلوكس على الصورة كاتبًا: "من المنيا وأفتخر".
تابعوا آخر أهل مصر على Google News
