لقاء سويدان: فهمت النصيب فى الحب بعد بلوغى سن الأربعين

نشرت الفنانه لقاء سويدان خلاصة تجربتها عن النصيب فى الحب والزواج، وكتبت عبر حسابها على "انستجرام " قائلة: "زمان وأنا صغيرة مكنتش بأمن بكلمة نصيب، وخصوصا فى الحب والزواج، كنت بعتبرها تواكل أو شماعة بيعلق عليها الناس ضعفهم، فى عدم تمسكهم بالطرف الآخر، وأقول إحنا اللى بنصنع النصيب وشفت مرة صديق عمل 500 ركعه لله، وعدد لا نهائى من الدعاء عشان ربنا يكتبله الزواج من إحدى صديقاتى، وبعد فتره لقيته بيقولى أنا اتجوزت وسعيد جدًا مع مراتى وأولادى فعلًا، ربنا كتبللى الخير وغيرها من التجارب".

وأضافت" "بعد ماعديت الأربعين سنة، فهمت واتاكدت أنه فعلا ما كان لك سيأتيك، واقتنعت من كل قلبى إن ربنا ببيختار الصح وفى الوقت الصح وبالطريقه الصح".