تقدم بوابة "أهل مصر" ملفًا كاملًا حول أسهل الطرق لتقديم الأطعمة البحرية مع مطبخ منال الكومي، كالتالي:
1- الجمبري البانية
المقادير:
" كيلو جمبرى حجم كبير مقشر- فصين ثوم مفرومين- بيضتان- كوب ونصف دقيق- كوب ونصف بقسماط ناعم- ملح وفلفل وتوابل حسب الرغبة- زيت للقلى".
طريقة التحضير:
أ- نظفي الجمبرى جيدًا ثم اغسليه واتركيه يتصفي، بعد ذلك قومي بتتبيله بالثوم والملح والفلفل والتوابل.
ب- احضري ثلاثة أطباق، أول طبق نخفق فيه البيضة، وطبق آخر نضع فيه الدقيق، وطبق ثالث نضع فيه البقسماط.
جـ- اغمسي الجمبري في الدقيق أولا، ثم البيض، وأخيرا البقسماط، نكرر تلك العملية حتى تنتهى الكمية كلها.
د-قومي في هذه اﻷثناء بتحميه الزيت ضعي فيه الجمبرى يتحمر على الوجهين، حتي يكتسب اللون الذهبي ويقدم مع صوص الثومية أو سلطة الطحينة.
2- جمبري مع صلصة الثوم:
المقادير:
"نصف كيلوجمبري- 3معلاق صلصة صويا- معلقتان صلصة حارة-زيت - خل ملعقتان صغيرتان- سكر ملعقة صغيرة- ثوم مفروم ناعم 4 فصوص- فلفل أسود".
طريقة التحضير:
أ- قشري الجمبري واغسليه
ب- قلبى فى طبق صلصة الصويا والصلصة الحارة وزيت والخل والسكر ثم اتركي الخليط على جانب.
جـ-وسخني معلقتين الزيت في طاسة على نار ثم ضيفي الثوم وقلبيه نصف دقيقة.
د-وضيفي الجمبري وقلبى حتى يتحمر من الجهتين ثم صبى خليط الصلصة فوقه.
ه-ظبطى الخليط بالفلفل الأسود والملح وقلبى جيدا.
و- إرفعي الجمبري عن النار وزينيه بالبصل الأخضر المبشور أو بقطع الليمون ثم قدميه مع الأرز.
3-جمبرى إسكندرانى:
المقادير:
"نص كيلوجمبري متوسط الحجم- حبة فلفل الوان- حبة بصل- حبة طماطم- فصين ثوم مفروم- ليمون- معلقتين زيت زيتون- نص معلقة كمون- نص معلقة ملح بصل أخضر- نص معلقة زعتر- نص معلقة بهار سمك- بابريكا حارة- كوب ماء"
طريقة التحضير:
أ- يغسل الجمبرى جيدًا.
ب- نقطع البصل مع الفلفل مع التوم مع الزيت ونضيف لها التوابل وباقى المكونات والجمبري، ثم نقلبها جيدًا وندخلها الفرن إلى
أن يتم تسويتها فى الفرن جيدًا.
4-أسياخ الجمبرى المشوى فى الفرن:
المقادير:
"كيلو جمبري متوسّط الحجم مغسول- ملعقة كبيرة صغيرة زنجبيل مفروم- ملعقة صغيرة كزبرة مطحونة- ملعقة صغيرة قرفة مطحونة- ملعقة صغيرة شطة حمراء- ملعقة كبيرة زيت زيتون- 5 فصوص ثوم مفرومين- ¼ كوب عصير ليمون- ملعقة صغيرة كمون- ½ كوب زبادي- 2معلقة مسطردة- 2معلقة كاتشب- ملح وفلفل أسود"
طريقة التحضير:
أ- ضيفي كل المقادير الموجودة عندك على الجمبري، وقلّبيهم مع بعض كويس، وسيبي الجمبري في الخلطة دي لمدة3 ساعات علشان الجمبري يتشرّب من الخليط اللي فيه كويس.
ب- هاتي أسياخ خشبية ودخّلي الجمبري فيها، وبعد كده رصّيه في صينية وصبى فوقه الخلطه ودخّليه الفرن لغاية ما لونه يبقي دهبي.
جـ- خرّجي الجمبري من الفرن ورصّيه في أطباق التقديم، وقدّمي معاه طبق أزر أبيض أو طحينة وسلطات.
5-الجمبرى بالكريمة والجبنة:
-المقادير:
"1 كيلو جمبرى وسط متقشر ومتنضف- 1 بصلة مفرومة- 2 ملعقة هوت صوص- 1 معلقة كبيرة كمون- 1 معلقة كبيرة كزبرة ناشفة- 1 معلقة مسطردة- نصف فنجان عصير ليمون- 1 معلقة كبيرة ثوم مفروم- 1 كوب كبير كريمة لبانى- جبنه شيدر مبشورة أو رومى أو بارميزان- ملح وفلفل"
-طريقة التحضير:
أ- نحضر الجمبرى بعد تنضيفه جيدًا، ثم نضيف عليه عصير الليمون والكمون والكزبرة والمسطردة والهوت صوص ونتركه لمدة 30 دقيقة.
ب- نضع الحلة على النار ونصع بداخلها ملعقة زيت ثم نضيف البصل مع التقليب جيدًا إلى أن يأخد اللون الدهبى، ثم نضيف الثوم مع التقليب، ونصفى الجمبرى جيدًا ونضعه فى الحلة ونقلبه لمدة 3 دقايق فقط، ثم نتبله بالملح والفلفل الأبيض ونرفعه من على النار، ونجهز صينية لنضع عليها الجمبرى ونضيف الكريمة اللبانى والجبنة المبشورة وندخلها الفرن لمده 7 دقايق، ونقدمه ساخن.
6- جمبرى بالخلطة:
-المقادير:
"جمبرى- كرفس وبقدونس- بصل حلقات- طماطم مقطعه- توم -فلفل أخضر مقطع- ليمون حلقات
زيت -ملح فلفل وكمون"
طريقة التحضير:
أ- يغسل الجمبرى جيدًا وتشقى الظهر وتخرجى منه كيس الرمل فى صينية.
ب- ضعي الجمبرى مع ملح وفلفل وكمون وبعض الزيت مع نصف الخلطة وهى حلقات البصل والكرفس والبقدونس والطماطم الحلقات والثوم المفروم والفلفل الأخضر المقطع وحلقات الليمون، ثم نصف الخلطة الثانى مع ملح وفلفل وكمون وبعض الزيت على الوش.
ج- يدخل الفرن على نار متوسطة لمدة نصف ساعة، ويقدم مع الأرز والسلطة.
تابعوا آخر أهل مصر على Google News
