قال النائب إلهامي عجينة، عضو مجلس النواب، إن ضحايا مركب رشيد ليسوا شهداء، واصفا إياهم بـ"أنهم منتحرين".
وأضاف "عجينة" في مداخلة هاتفية لبرنامج "حضرة المواطن" الذي يقدمه الإعلامي سيد علي، عبر قناة "العاصمة": "أي إنسان يقرر ينتحر يبقى غلطان.. وربنا قال اللي ينتحر يبقى كافر.. صحيح مفيش خدمات ولا حقوق.. بس ده مش مبرر إني أنط في البحر وأنتحر بحجة أكل العيش".
وتابع: "مصر مليانة فقراء والحكومة قالت والإعلام هذا الطريق انتحار والناس بتموت فيه.. بعض الأشخاص اللي شافوا الموت بيقول هعملها تاني.. ده انت راجل مصر ع الانتحار.. معظم قرى مصر حالها حال هذه القرية.. الحكومة منيلة وزي الزفت.. والمركب والحكومة حصلت فين الحكومة لحد النهاردة.. وبنقول الحكومة غلطانة".
في حين، رد علاء ظافر شقيق أحد الضحايا ويدعى "هيثم" على تصريحات عجينة، إذ قال: "نحن لا نتشرف بأن تكون نائبا عنا في كفر الشيخ"، ما دفع عجينة لإغلاق الهاتف.
وأضاف "ظافر": "ولادنا مش إرهابيين.. لو إرهابيين أو حرامية كنا قلنا ماشي.. لكن ولادنا كانوا طالعين عشان أكل عيشهم".
وتابع: "نائب كفر الشيخ عطية السهود وعلي عبد الواحد بتاع رشيد بيهاجمنا بيقول المحافظ كان موجود.. أنا بكدبه.. مفيش أي حد نزل منهم لحد الآن.. ولا حد عبرنا ولا حد هيعبرنا لإن إحنا مش موجودين على الخريطة نهائيا".
تابعوا آخر أهل مصر على Google News
