بالفيديو.. الليثي مهاجمًا الوزراء: "لمو نفسكو شوية"

انتقد الإعلامي عمرو الليثي، ظهور خلافات ومشادات بين الوزراء ومسؤولين داخل القطاعات الوزارية داخل الدولة.

وقال الليثي، خلال تقديم حلقة أمس من برنامجه "واحد من الناس"، المذاع على قناة "الحياة"، أمس: "الحكومة يا جماعة وقعت في بعضها، والخناقات دبت بين الوزراء والمسؤولين، الكل ساب شغله وتفرغوا للخناقات اللي بينهم، والغريبة أن شريف إسماعيل وقف يتفرج على تبادل الاتهامات والخلافات على الفضائيات، وكل واحد من دول استغل علاقاته للتنكيل، وأدواته للدفاع عن نفسه".

وتابع: «الناس قاعدة مش فاهمة حاجة من اللي بيحصل، ولا ليه بيحصل، ولا ليه الحكومة مابتوضحش الحقيقة للناس»، موجهًا حديثه للحكومة: «بصراحة طالما طلعتوا غسيلكم غير النظيف أمام الناس، يبقى من حقهم يعرفوا الحقيقة.. ولا إيه ياحكومة؟! لمي نفسك عشان خاطر الصورة بقت وحشة».