فرنسا من الدول المشهورة بالحلويات الرائعة التي تنال اعجاب الجميع، ومن أنواع الحلويات الرائعة بتي فور السابيليه.
تقدم «أهل مصر» طريقة عمل السابيلية بطريقة فرنسية جديدة.
المقادير
300 جم دقيق
200 جم زبده
100 جم سكر بودره
طريقة التحضير:
- نخلط الدقيق بالزبده باطراف الاصابع حتى تتجانس وتلم نفسها من غير عجن
- نفرد العجينه بالنشابة وتفرد حوالى 4 مللى
- نضع الاشكال على العجينه بالمقلوب وناخد كل شكل ونضغط عليه حتى نطرد الهواء الموجود بين الشكل والعجينه ونعمل بها ثقوب علشان لما تدخل الفرن تبقى محتفظه بنفس شكلها
- بعد خروجها من الفرن تترك لتبرد.
حشوات السابيليه:
1- الايطالين ميرنج:
المقادير:
3 أبيض بيض ورشه ملح
200 جم سكر
70 جم ماء
معلقه عسل جلوكوز
طريقة التحضير:
- نضع السكر والعسل والماء على النار تغلى ونقلب حتى يدوب السكر وتوصل درجه حرارتها الى 125 درجه.
- نضرب الابيض بيض ورشه الملح 3: 4 دقائق.
- نضع السيرب خيط رفيع على الابيض بيض مع الضرب حتى يتجانس ويهيش ويتماسك ويبرد.
- نضع الايطالين فى كيس حلوانى ونحشى به جاتوه السابليه.
2- التوفى:
المقادير:
400 جم سكر
150 جم عسل جلوكوز
200 جم كريمه لبانى
طريقة التحضير:
- نضع السكر وعسل الجلوكوز والماء حتى يغلى ويصل درجه حراراته لفوق ال 150 درجه اللون الذهبى الجميل.
- نضيف الكريمه اللبانى ونتركها فترة ونقلب لانه بيفور، ونحط تانى ونقلب.
- نحشى بيه البتى فور سايليه ونحط على اى مكسرات.
3- الجناش
المقادير:
ربع كيلو شيكولاته خام مبشوره.
125 جم كريمه لبانى.
طريقة التحضير:
- نضع الكريمه اللبانى على النار واول ما تغلى نحط الشيكولاته المبشوره.
- نقلب ونرفعها من على النار ونكمل تقليب حتى تتجانس.
- تعبأ فى كيس حلوانى ونشكل روزتات وممكن نحط على كل واحده اى مكسرات ممكن نحط بندقه.