وجه الداعية والإعلامي معز مسعود، الدعوة لمتابعيه، للقاء مفتوح يوم السبت 19 نوفمبر، للحديث عن المبادرات القائم عليها.
وكتب "معز"، على حسابه الرسمي على موقع التواصل الاجتماعي "فيسبوك"، منذ قليل: "بقالي كتير ما اتشرفتش بعمل لقاء مباشر معاكم.. وعلشان كده حبّيت النهاردة أدعوكم نتقابل بإذن الله يوم السبت 19 نوفمبر في القاهرة فى لقاء مختلف جداً فى طبيعته.. وهتعرفوا تفاصيل كتيرة عنه في الفترة اللي جاية.. وبعد كده نكمل مع أهلنا وأحبابنا في بقية الوطن العربي".
وأضاف: "هنتكلم في لقائنا عن موضوعات كتيرة، زى مثلا يعني إيه الواحد يكون (الباحث عن الحقيقة) ونفتكر مع بعض رحلتنا بدأت إزاي ورايحة على فين.. هيكون معانا ناس مبدعين كتير بتحبوهم كانوا معانا في رحلتنا من الأول خالص ولحد النهارده، لقاء مليان فكر وفلسفة وكمان فن، ومن الحاجات المهمة اللى هنتكلم عنها هى مبادرة لتشجيع البحث العلمي بقالنا فترة شغالين عليها، لأننا مؤمنين إن مستقبل هذه الأمة في العلم بكل صوره انا متحمس جدا لليوم ده وأتمنى أشوفكم جميعًا".
وختم "معز"، قائلًا: "الدخول هيكون بدعوة مجانية لأن العدد محدود، وقريب جدًا هننشر على الصفحة تفاصيل التقديم للحضور، وأرحب بكل اقتراحاتكم في التعليقات".
تابعوا آخر أهل مصر على Google News
