اعترض الكابتن أحمد حسام ميدو، المدير الفني لفريق وادي دجلة، على الأداء التحكيمي، في المباراة التي جمعت بين فريقه ونادي الزمالك، مساء الثلاثاء، والتي انتهت بالتعادل بهدف مقابل هدف.
وقال ميدو في تصريحات عقب انتهاء المباراة: «مش مبروك على النقطة.. لو يرضي ربنا.. لو اتحاد الكورة عاوز إن الدوري الزمالك والأهلي يلعبوا لوحدهم وبقية الفرق تلعب وحدها احنا معندناش مشاكل».
وتابع: «كورة جول بتاعة هلال تبان لأي لاينز مان أعمى أو هاوي الراجل رافع أوف سايد.. وما اعترضتش عليه وطردني برا.. أنا زملكاوي.. والزمالك بيتي.. وأنا بحترم عملي .. مش عاوز الزملكاوية يزعلو مني.. لأن ده شغلي وأنا اتربيت إني احترم مكان عملي.. وقدام الأهلي هموت نفسي.. وقدام أي حد.. النتيجة الطبيعية النهاردة 4/1 حرام اللي حصل النهاردة».
تابعوا آخر أهل مصر على Google News
