وزيرة التعاون للنواب: "الست في الصعيد شايلة كتير.. فين الرجالة"

أعربت وزيرة التعاون الدولى سحر نصر عن غضبها من أن السيدة فى الصعيد مسئولة عن كل شئ.

وقالت الوزيرة، خلال اجتماع لجنة الإدارة المحلية، اليوم الاربعاء، لمناقشة قرض من البنك الدولى للتنمية والإنشاء موجه لمحافظتى قنا وسوهاج: "أنا عندى فيديوهات لستات فى الصعيد بتشيل الأنبوبة عشان مافيش غاز.. والمفروض إنها مسئولة عن الأكل فى ميعاده، ومعنديش صورة لراجل شايل أنبوبة".

رد رئيس اللجنة أحمد السجينى وشاركه بعض النواب الرجال ضاحكين: "الراجل بيشيل ويشيل".

وعادت الوزيرة، مؤكدة: "الست فى الصعيد شايلة كتير".