في نرجسية شديدة الوضوح لاحظها حتى الجمهور، نشر الفنان محمد رمضان، صور للينكات فيديوهات علي موقع الفيديوهات العالمي "يوتيوب" وعلق عليها قائلًا: من الفنان المصري الوحيد على "يوتيوب" لديه 13 فيديو فقط مجموعهم 307 مليون مشاهدة؟ ثم زيل هذا الكلام بتوقيعه محمد رمضان.
المثير أن هذا الكلام أثار غضب الجمهور واتهمه بالنرجسية ومدح النفس ومحاولة الظهور بأنه فنان غير عادي فقال أحدهم معلقًا: "رغم الصدفة اللي جعلت منك نجم مشور إلا انك ما زلت تتحلا بعقل صغير جدآ كلنا بنحبك ونشاهد كل أعمالك انت ليه بس بتحاول تفرض نفسك ع الناس اللي مش بتحبك خليك في حالك يا نجم وربنا يقويك".
وقال أحدهم: "ايوة يا شبح بس هما خمس فيديوهات بس الباقي دي اغاني عادي انت مالك بيها، ده فيه فيديو منهم انت مش طالع فيه اصلا خالص بتاع مسرح مصر، على كده اه لو لعبت يا زهر بقي فيديو واحد عليه 150 مليون مشاهده نعتبرهم بتوع ابطال الفيلم العبيط اللي الاغنية فيه؟.
وقال آخر: اهو غرورك ده اللي فعلا نزل كتيييير منك اولها اخر ديك اللي بقاله شهر ومش جايب غير سبعة مليون.
وقال متابع آخر: الكلام دة خلى بالك ممكن يكون سبب فانهيارك اشتغل واختار شغل كويس وسيب النجاحات للناس تقيمها... خد عمرو دياب مثل ناجح ورقم واحد ومبيقولش كتير ومبيقولش كل يوم والناس هى اللى لتدافع لما حد بينتقدة... اتقل شوية ف اظهار نفسك عالميديا والبرامج والتفاخر بالنجاحات... هتبقى افضل.
تابعوا آخر أهل مصر على Google News
