روت سيدة أربعينية واقعة الختان التي تعرضت لها في حياتها، ضمن مبادرة جديدة أسسها الإعلامي ومدير "بي بي سي عربي" الأسبق، حسام السكري، عبر صفحة فيسبوكية باسم "حكايات بنات – طبطبلي".
وقالت السيدة في حكايتها "أنا مريت بتحربة ختان اعتقد أنها من أغبى التجارب اللى ممكن طفلة تمر بيها وانا ف ابتدائي مش فاكرة سنة كام لكن اعتقد بين تالتة وخامسة ابتدائي. كنت بحب المانيكير جدا فجدتى قالت لى تروحى مشوار مع خالتك وتخطى مانكيير قولت موافقة طبعا. وروحت ومكنش دكتور. كانت ست شرسة جدا ودخلونى اوضه مش عيادة لانى كنت ف القرية اللى فيها جدتى..رغم اننا عايشين ف المدينة بس ماما وبابا متحملوش يكونوا حاضرين الحكاية دى فبعتونى لجدتى تعملها بمعرفتها ويخلصوا".
وتفاصيل عملية الختان استكملت "دخلت والست نيمتنى على سرير وجت اتنين ستات تاتيين مسكونى ووقعت الواقعة وطبعا صرخت وكنت سمعاهم وشايفة الاداه وهم بيجيبوها" ورفضت ذكر اسم الأداة وطريقة ما أسمته وحسب المصطلح الشعبي "طهارتها"، حفاظا على مشاعر القراء حتى لا يتألمون من الوصف.
ورغم مرور أكثر من 4 عاما على الواقعة إلا أن تأثيرها لا يزال يروادها وتتذكر تفاصيلها جيدا وشكل المنزل الذي حدثت به وأصوات من فعلن بها هذا وشكل أجسامهن وحجمها.
وعن التأثير السلبي لهذه الواقعة عليها قالت "أنا عاوزة من كل ده اقول إني لحد دلوقتى وحتى لما بروح لاى دكتور اكشف ولو حتى عاملة عملية جراحية وبفوق من البنج مبقدرش افضل مستسلمة ولا بعرف استرخى واكشف زى بقية الناس. دماغى بتفوق وببقى عاوزة اجرى من المكان، صحيح ده خفت حدته مع الوقت لكنه كان بيحصل، واحتاج لسنين كتير اوى عشان اتعامل طبيعى مع الدكاترة".
وحسبما أكدت دراسات وأبحاث أن المختونة تواجه صعوبات أثناء الولادة هذا ما أكدته قائلة "وبمناسبة الام الولادة اسهل او اصعب ولانى جربت دى لمرة واحدة بس ف احب اقولك ان الختان فيه ايذاء بدنى ونفسي والم اصعب مليون مرة مع انى ولدت ولادة طبيعية يعنى جربت الالم الحقيقي مش زى القيصرية".
حكايات بنات أو طبطبلي مجتمع مفتوح يعطي المرأة فرصة للفضفضة وللمجتمع فرصة "الطبطبة" عليها بحسب وصف المبادرة على صفحتها عبر الفيسبوك، قائلين أن مجتمع "طبطبلي" يقدم نصايح علمية للاستمتاع بالحياة ولمساعدة المرأة على تجاوز محنة الختان أو العنف.
تابعوا آخر أهل مصر على Google News
