تلجأ النساء لاستخدام الماسكات والمقشرات الطبيعية، للحفاظ على حيوية ونضارة البشرة، وتتمتع بالإشراق والنضارة، التى قد تخبو نتيجة العوامل الجوية والتوتر والقلق الذى تتعرض له خلال اليوم ويؤثر على بشرتها.
وتوضح خبيرة التجميل منى الجمل أن استخدام الماسكات شئ مهم وضرورى للحفاظ على نضارة البشرة، لكن الأهم معرفة الأوقات الصحيحة لاستخدامها حتى تتم الفائدة المرجوة منها.
فالمقشر يتم استخدامه مره أو مرتين فى الأسبوع، على أن يكون الاسكرب حبيباته ناعمة، وعدم وجود التهابات أو حبوب فى البشرة، حتى لا تنتقل العدوي من منطقه للثانية، أو ينتج عنها جروح جديدة لأن "القشره بتاعته الحبوب رقيقه جدا فالحبيبات بتاعته هتجرح البشره وهتخليها تلتهب وهيبقي في اسمرار بعد كده وبالتالي دي هتبقي نتيجه عكسيه تماما".
وتضيف منى " المقشر مش مناسب ف حاله ان بيكون في التهابات وخصوصا لو هو نوعه خشن يعني لو حبيباته خشنه لان المفروض يكون حبيباته نعمه عشان متأذيش البشره وتجرحها".
أما بالنسبة للمسكات فتقول منى " اللي فيها تغذيه للبشره يفضل انها تكون بالليل ان قبل النوم بحيث ان احنا نعملها واحنا ف حاله استرخاء يعني مش هنخرج ولا نعرض وشنا للتراب وخصوصا لو احنا عاملين بخار او تفتيح للمسام او ازاله رؤس سودا دول طبعا يفضل اننا نعملهم ف وقت ميكونش هنخرج بعده خالص والأفضل يكون قبل النوم.
المسكات بتاعته تنشيط الدوره الدمويه دي عادي ممكن نعملها الصبح او قبل مانخرج مفيش مشكله، وكل المسكات بتاعته منطقة حوالين العين يفضل تكون قبل النوم في حاله الاسترخاء عشان في منهم حاجات لازم تتحط طول الليل عشان نتيجتها تكون احسن.
طبعا التونر او الحاجات اللي بتقفل المسام من الأفضل نستخدمها كل يوم الصبح قبل الخروج عشان المسمات تكون مقفوله عشان نقلل نسبه التراب اللي هيدخل فيها
تابعوا آخر أهل مصر على Google News
