حتى تكونى ربة منزل تتمتع بمهارة عالية عليكى أن تتبعى تلك النصائح التى تقدمها لكى مديرة المنزل نهى فريد من خلال تجربتها اليومية التى سجلتها عبر حسابها الخاص على موقع التواصل الاجتماعى فيسبوك.
1- عشان اللبن ميفورش منك وانتي بتغليه، حطي معلقة خشب فوق الحلة هتمنع فورانه.
2- عملتي كيك ووشها احترق منك متزعليش حلها سهل رشي عليها سكر بودر ودخليها الفرن تحت الشواية لمدة 5 دقائق ودوقي احلي طعم.
3- لو رخامة مطبخك تحولت من الأبيض للأصفر ادعكيها بعصير الليمون والملح واغسليها بالمياه وهيرجع للونه الأصلي.
4- لأزالة روائح الاكل من مطبخك هاتي كوباية ميه وحطيها في اناء علي النار وضيفي عليهم شوية فانيليا وسيبها تغلي وشمي احلي ريحة في مطبخك.
5- لو عاوزة تحتفظي بالليمون للموسم كله حطيه في كيس في الفريزر وهيفضل زي مهو وعند الاستخدام خرجي الليمون وتحت الميه علطول هيرجع اكنه طازج.
6- لحفظ الخيار لفترة اطول في الثلاجة يلف في ورق ثم يوضع في كيس بلاستيك محكم الغلق.
7-استخدمي فرشاة الاسنان لتنظيف مبشرة الجبن أو المصفاة السلكية.
8- وانتي بتقلي السمك ضيفي شوية نشا وبيكينج بودر مع الدقيق هتخليه مقرمش.
.
9-لازالة بقع القهوة من اي مكان بالمطبخ يتم أزالتها بأضافة قليل من النشادر مع ماء الغسيل ثم تشطف وتجف جيدا.
10- ينصح بغسل ثلاجتك كل 10أيام بالماء والصابون وتشطف بماء به قليل من الكولونيا وتجف جيدًا.
11- عند تنظيف أناء الخلاط حطي شوية مية ونقطة صابون اطباق وشغلي الخلاط شوية وشوفي النتيجة بنفسك.
12- عند تنظيف سيراميك المطبخ يذاب قليل من الخل الأبيض وقطرات من الليمون والكحول النقي في ماء فاتر ويلمع به السرايميك هيرجلع لامعانه زي الأول.
تابعوا آخر أهل مصر على Google News
