عبرت الممثلة إيمى سالم، عن غضبها حملة السخرية التي طالت الفنانة حورية فرغلى بسبب شكلها وأنفها، خلال لقائها مع الإعلامى عمرو أديب فى برنامج "كل يوم"، أمس.
وعلقت إيمى، عبر حسابها الرسمى بموقع التواصل الاجتماعى "فيسبوك"، قائلة: "بعد ما شفت كم مش طبيعي من الهري والشتيمة والتريقة على حورية فرغلي وحوارها مع عمرو أديب، وعلى فكرة أنا معرفهاش شخصيًا بس أعرف كتير عنها".
وتابعت: "هو احنا جرالنا إيه ولا خلاص ما بقاش عندنا مشكلات واحدة اتمرمط عمليات واتاخد عظم من جمجمتها ومن ضلعها ومنخيرها اتدمرت بسبب حادثة مش عشان هي غاوية تجميل، وشالت الرحم يعني مش هتخلف وعاشت سنتين بتتحرك بكانيولا في إيدها وبرضه مش سايبنها في حالها".
وأضافت: "هي الرحمة انعدمت قوي كده ربنا يقويكي يا حورية ولا يهمك من فيروس تفاهات الفراغ اللي صاب ٩٠٪ من الناس وربنا يكرمك قوي أخدتي حسنات كتير في الـ٤٨ ساعة اللى فاتت أعوذ بالله من النفوس اللي مش بترحم".
يذكر أن حورية فرغلى تشارك فى الماراثون الرمضانى 2017 بمسلسل "الحالة ج".
تابعوا آخر أهل مصر على Google News
