أدانت المطربة شاهيناز، الأحداث الإرهابية التى أدت لتفجير كنيسة طنطا، صباح اليوم، وأسفرت عن وقوع قتلى وجرحى.
وعلقت شاهيناز عبر حسابها الرسمى بموقع التواصل الاجتماعي "فيسبوك" قائله:"15 قتيلًا وعشرات الجرحى بانفجار قرب كنيسة في طنطا لما تصحى الصبح على الخبر ده وخصوصا انه يوم عيد المسيحين، للأسف، مبقاش فيه كلام يتقال، الارهاب بقى بيطول الكل، مسلم ومسيحي، كبير وصغير، مش في مصر بس، لا، ده بقى في كل مكان في العالم! الارهاب لا دين له ولا ملة، ربنا يحميكي يا بلدي ويحمي ناسك وأهلك لكل مسلم ومسيحي على هذه الأرض، البلد دي بلدكم ادعوا ربنا في كل وقت إنه يحميها ويبعد عنها الشر، طالما كنا ايد واحدة على مر الزمن، في الحلوة والمرة، وأكتوبر يشهد، جه الوقت اللى احنا فعلا لازم نشد على إيد بعض ونمسك في إيد بعض كويس قوي عشان نبقى درع مصر الحامي ضد الارهاب والتطرف، ربنا يلطف بينا ويرحمنا برحمته الواسعة".
يذكر أن المطربة شاهيناز تستعد فى الفترة الحالية لألبومها الجديد والذى من المقرر عرضه بعد شهر رمضان المبارك.
تابعوا آخر أهل مصر على Google News
