مي كساب تكشف تعرضها لضغوط: نفسي تعبانة أوي (صورة)

أعربت الفنانة مي كساب، عن استيائها من الضغوط التي تتعرض لها منذ 6 سنوات، والتي كان يحملها عنها زوجها المطرب الشعبي أوكا.

وعلقت كساب عبر صفحتها الرسميه على موقع التواصل الاجتماعي "فيس بوك"، قائلة:" نفسي تعبانه قوي بقالها 6 سنين مصدومه ومحتاره ومش عارفه ترسي علي بر مش عارفه تلاقي راحه البال ولا السعادة ولا الرضا بتدفع تمن إنها حساسة بزيادة عن اللزوم، بتدفع تمن التربية والأصول من يوم ما الثوره قامت.

وتابعت: أنا مش أنا كبرت وعجزت وصغرت وعيلت وشيبت مش فاهمه حاجه تايهه توهه وحشه قوي مش عارفه ألاقيني خالص والله العظيم مش لاقيه مي خالص أنا مش أنا ابتلاءات كتير والحمد لله صدمات في البشر أكتر والحمد لله حتى الشغل حاسه فيه بكبوه كبيره جدا استنزاف واستهلاك مش طبيعي.

وأضافت: برضه مش باستسلم باقوي نفسي وأقولها قومي ما تفقديش الأمل في رحمة ربنا ما تفقديش الأمل في بكره أحلى ما تفقديش الأمل في المدينة الفاضله ما تفقديش الأمل في انك تلاقي مي من جديد بس للأسف النفاق والوشوش الكذابه اللي شفتها وقت الثوره صدمتني قوي موت أمي كسرني قوي تدخل الناس في حياتي وتعليقاتهم الغير مهذبه واجعني قوي استنزافي في الشغل واستهلاكي وإحساسي أني مش عارفه اقدم الفن اللي نفسي أقدمه دابحني قوي ازمه جوزي قاتلاني قوي، كل حاجه حواليه قوي قوي قوي.

واستطردت: عارفه إن ده أصعب اختبار من رب العالمين ونفسي أكون أده باحاول أكون أده بس تراكمات السنين مبهدلاني قوي حاسه ان نفسي محتاجه أعاده هيكله زي كل حاجه في بلدنا يارب خرجنا من المحنه الكبيرة دي محمد كان بيديني طاقه أمل كان بيصبرني ودايما يقولي اللي جاي احلي هتتولدي من جديد ربنا يرجعك انت واحمد بالسلامه عشان بجد نفسي أتولد من جديد وافقد الذاكرة وانسي وجع وتعب السنين دول بس ما انساش اللي اتعلمته منهم انا في انتظار رحمه وعدل ربنا في انتظار نفسي في انتظار موعدي مع السعاده.