كلمات حزينة بدأ بها الفنان والمنتج محمد محمود عبد العزيز أول ايامه في شهر رمضان الكريم، وهي الكلمات التي كان يهنئ بها والده الراحل عن دنيانا برمضان، لأنه العام الأول الذي لا يشاركه فيها هذه الايام المباركة.
وقال محمد عبر صفحته الشخصية على موقع التواصل الاجتماعي فيسبوك: "كل سنه و حضرتك طيب و بخير يا ابويا و صاحبى و اخويا و كل ما ليا، اول مره فحياتى ماتكونش معايا و قدام عنيا طول المده دى بس برضه كل سنه و حضرتك طيب لأنى حاسس انك بخير و فى مكان احسن من اللى احنا فيه بكتير. و عايز اهدى لحضرتك كل حاجه بعملها سواء انتاج او تمثيل او اى حاجه كويسه ممكن اعملها و تبسطك و اى خير بعمله او بحاول انى اعمله زى ما حضرتك علمتنى و السنادى بهدى حضرتك صيامى و كل ركعه و كل حرف هقرأه من المصحف الشريف اللى حضرتك ماكنتش بتسيبه، ربنا يتقبل منى و يقدرنى و ابقى ربعك فى اى حاجه.
رمضان كريم. كل سنه و حضراتكم جميعا بالف صحه و سلامه و خير و ربنا يريح قلوبكم و يشفى كل مريض و يرجع كل بعيد و يصبر اى واحد موجوع و يهون علينا جميعا يا رب بحق الشهر الفضيل.
اسألكم الفاتحه و الدعاء لأبويا و لأمواتنا جميعا".
تابعوا آخر أهل مصر على Google News
