حقيقة طرد باسم يوسف من مسرح فى نيويورك

نفى الإعلامي الساخر، باسم يوسف، شائعة طرده من أحد المسارح بمدينة نيويورك، والتى انتشرت خلال الساعات الماضية.

وقال يوسف عبر صفحته الرسمية على فيسبوك: "طبعا مواقع "إياها" منزلة قصة غريبة قال يعني "المصريين" طردوني من المسرح في نيويورك، وقصة خائبة كده مالهاش لازمة".

وأضاف: "المهم أحب أقول لليوم السابع وشوية المواقع التانية دي انها حركة بلدي قوي. وللتوضيح العرض كان ممتاز وكالعادة فيه برضه نفس الخمسة ستة البائسين اللي حاولوا يغلوشوا، والجمهور كان بيهتف out out out عشان هما اللي يطلعوا بره، طبعا المهنية اللى مقطعة بعضها مخلياهم بيكذبوا ويقولوا ان الهتاف كان ضدي، وده مش حقيقي".

وتابع الإعلامي الساخر:" انا نزلت امبارح الفيديو بتاع استقبالي لما دخلت المسرح، ودلوقتي باحط الفيديو اللي كان في اخر العرض وازاي الجمهور كان مبسوط ومشجع جدا، بروباجندا رخيصة من مواقع رخيصة".