"ليس على المريض حرج، فأنا عندى وسواس وشكوك وبيتهيألى حاجات مش بتحصل وبشك فى كل حاجة حواليا"، بهذه الكلمات اعترف "م م 40 سنة"، كهربائى المتهم بقتل ابنته البالغة من العمر 17 سنة، معتقدا أن ابنته على علاقة غير شرعية بشاب.
وأضاف المتهم أنا راجل على باب الله "أرزقى"، تعبت عليها وعلى إخوتها لكن الشك دمر حياتى كنت بشك فى صوابع إيدى وهذا كان سبب المشاكل فى البيت.
وتابع قائلا: "المشاكل فى بيتى كانت كلها بسبب الشك وحياتى كلها اتبهدلت وبنتى لما كانت بتخرج، من خوفى عليها كنت بشك إنها بتعمل حاجة غلط وخصوصا أنها كانت بتتأخر فكنت على طول بضربها".
وأضاف المتهم: "رجعت من الشغل في يوم مكنتش رجعت من الدرس فجاءني وسواس إنها خارجة مع شاب وأنها مش فى درس وأما رجعت انهلت عليها بالضرب والسب زى المجنون خلتنى أضرب فيها وأقولها كنتى فين ومع مين لحد ما خنقتها بإيدى وده كله كان مجرد شك تخلصت من ابنتى وعذبتها وموتها عشان مرض جوايا مش قادر أتخلص منه".
وأكمل: انهالت علي أمها وإخوتها بالضرب لكي أتركها تعيش لكن لم يكن بداخلي أي رحمة بابنتى حتى لفظت أنفاسها الأخيرة وماتت.
وأضاف: "أنا كنت خايف عليها تقيم علاقة مع أى شاب ويضحك عليها وتطور لعلاقة جنسية وتجيب ليا العار والفضيحة".
وبعد اعتراف المتهم بجريمته قرر رئيس نيابة الجيزة، بحبس المتهم 4 أيام على ذمة التحقيق.
تابعوا آخر أهل مصر على Google News
